Агуулгыг алгасах

20 Өгөгдлийн бүрдлээс
ХАЙХ

Бүлгүүд

Байр
Бүтэц
Дүн
Суралцагч
Төгсөлт
Төсөл
Хичээл
Хөтөлбөр
Элсэлт

Хэрэглээ

Аль нь вэ


2014 онд МУИС нь либерал арт зарчимд тулгуурлан хөтөлбөрийн шинэчлэл хийж оюутнууд хичээлээ чөлөөтэй сонгож үзэх боломжууд нэмэгдсэн юм. Үүний дараа оюутнуудад ямар хичээл үзэх вэ гэдэг нэг асуудал байнга тулгардаг болжээ. Тэгвэл 2019 оны МУИС-ийн нээлттэй өгөгдлийн хакатонд тэмцээнд түрүүлсэн Missing баг нь энэ асуудлыг шийдвэрлэх санаа дэвшүүлсэн юм. Тэд хичээлийн дүнгийн тархалт, хичээлийн төрөл, ачаалал ихтэй хичээл гэх зэрэг өгөгдлийг гарган авч машин сургалтын K-means бүлэглэлтийн алгоритмаар хичээлүүдийг хүндрэлтэй байдлаар нь 5 ангилсан байна. Энэ моделио ашиглан аль хичээл нь хэр хүнд вэ гэдэг асуултад хариулсан веб түүлийг Tableau дээр зохиосон юм. Машин сургасан кодын эх файлыг: https://colab.research.google.com/drive/1NoCf85hkyOS5SqmTiKEoHCr-FHf2Nll6 хаягаас

Bagsh.space


МУИС-ийн оюутан бүрт үргэлж тавигддаг хэд хэдэн чухал асуулт байдаг. Аль хичээлийг сонгож суралцах вэ? Хэн багшийг сонгох вэ? Хичээлийн хуваариа яаж өөрт эвтэйхэн зохиох вэ? Эдгээр асуултад хариулж тухайн улиралд авах ачаалал, суралцах төлөвлөгөө зэргийг зохицуулж өөрийн суралцах замыг гаргадаг. Зөвхөн хичээлийн хуваарь зохиоход л хамгийн багадаа нэг оюутан 4 цаг бүү хэл зарцуулдаг гэвэл нийт оюутны зарцуулах цаг нь маш их, ойролцоогоор нэг хүн 40 жил хийх ажил юм. Тэгвэл bagsh.space апп нь хичээлийн хуваарийг хамгийн оновчтойгоор ердөө хэдхэн секундэд санал болгодог. Мөн сонгох хичээл, багшийнхаа талаар оюутнууд өөрийн туршлагыг хуваалцаж тохирсон төлөвлөгөө гаргахад тусалдаг юм.

Дижитал МУИС


МУИС-ийн нээлттэй өгөгдөл нь хоорондоо холбогдсон байдаг. Өөрөөр хэлбэл, СиСи, ЭШММС, ТММС зэрэг голлох системүүдээс WebAPI хэлбэрээр системд байгаа өгөгдлийг шууд татаж авах боломжтой бөгөөд эдгээр өгөгдлийг нэгтгэж өгөгдлийн сан үүсгэж болно. МУИС нь 2020 оноос эхлэн хэрэгжүүлж байгаа Дижитал МУИС төслийн хүрээнд өгөгдлийн семантик нэгтгэлийн аргаар илүү өндөр чанартай өгөгдлийн суурь бүтэц - МУИС мэдлэгийн графыг хөгжүүлээд байна. Үүнийг ашиглаад өгөгдлийг илүү уян хатан байдлаар ашиглах боломжтой болж байна. Энэ мэдлэгийн графыг ашиглан МУИС-ийн хэрэглэгчдийн асуултад хариулдаг, монгол хэлээр ойлгодог виртуал туслах чатботыг хөгжүүлсэн юм. Энэ жишиг хэрэглээ нь өгөгдлөөс ямар үнэ бүхий зүйл гарган авч болдог, ямар шинэ бүтээгдэхүүн, үйлчилгээг хөгжүүлж болдгийг харуулсан юм.

ХШУИС-ийн хөтөлбөр сонголт


МУИС-ийн оюутнуудын хувьд эхний жилд суралцаад хоёр дахь жилээс дүнгийн голчоороо жагсаад хөтөлбөрөө сонгодог. Хөтөлбөр сонгохоос өмнө ямар хөтөлбөр сонгох саналаа өгдөг. Хамгийн ихдээ 4 хөтөлбөрт санал өгнө. Ихэвчлэн 1-р саналаар өгсөн хөтөлбөрөө сонгодог. Зарим оюутнууд сонирхсон хөтөлбөрөө сонгож чадаагүйн улмаас өөр сургуульд шилжих, сургуулиас чөлөө авах, гарах зэрэг асуудал их бий. Тэгвэл ХШУИС-ийн хөтөлбөрийн хувьд аль нь эрэлт ихтэй, аль хөтөлбөрт санал өгчихөөд аль хөтөлбөрийг сонгосон талаарх өгөгдлийн шинжилгээний ажлыг хийсэн юм. 2021-2022 оны хичээлийн жилд хөтөлбөр сонгосон оюутнуудын өгөгдлийг энэ шинжилгээнд ашиглажээ. Өгөгдлийн шинжилгээг PowerBI интерактив тайлангаар танилцуулсан.

Үгийн салаа утга тодорхойлох тэмцээн


МУИС-ийн Машин оюуны лабаас гаргасан Монгол хэлний вөрднэт - MonWN-ийг ашигласан Үгийн салаа утга тодорхойлох тэмцээнийг MLUB клуб хамтран зохион байгуулсан юм. Энэ өгөгдлийн тэмцээнээр нээлттэй шинжлэх ухааны хүрээнд бий болсон судалгааны нээлттэй өгөгдлийг ашиглан Монгол хэл боловсруулалтын шинэ технологийг бий болгоход чиглэсэн. Нийт 16 баг (хүн) оролцсон бөгөөд туршилтын өгөгдлийн хүрээнд 97 хувийн нарийвчлалтай үгийн салаа утга тодорхойлох машин сургалтын загвар боловсруулж чадсан юм. Өгөгдлийн хэмжээг ихэсгэж эдгээр шийдлээр бизнесийн бүтээгдэхүүн болгон хөгжүүлэх бүрэн боломжтой болохыг энэ тэмцээнээр харуулсан юм. Мөн тэмцээнийг олон улсын өгөгдлийн тэмцээний платформ Kaggle дээр явуулсан бөгөөд тэмцээнд ашигласан өгөгдөл, зарим оролцогчдын хөгжүүлсэн кодыг харах боломжтой.

МУИС-ийн оюутны туслах систем


Оюутнууд хичээл сонголт хийхдээ тухайн улиралд хичээлийн хуваарьт тавигдсан хичээлүүдээс сонгон баталгаажуулалт хийдэг ба ихэвчлэн өөрсдийн хичээлийн хувиараа зохион түүний дагуу хичээлээ сонгодог байна. Ингэхдээ өөрт тохирсон хичээлийн хуваарь зохиох гэж ихээхэн хөдөлмөр болон цаг хугацаа зардаг ба үүний улмаас төлөвлөсөн цагийн болон багшийн хичээлээ сонгож амждаггүй. Мөн чөлөөт цагаараа хичээлээ хийж суух сул анги танхим хайж олоход ихээхэн бэрхшээл тулгардаг байна. Эдгээр асуудлуудыг шийдэх зорилгоор МУИС-ийн ["Машин Оюуны Лаборатори"](https://milab.num.edu.mn/ ) болон оюутны ["Хакум клуб"](http://hackum.club/) хамтран зохион байгуулсан "Нээлттэй Өгөгдлийн Оюутны Аппатон" тэмцээнд тэргүүн байр эзэлсэн "Potato-code" багийн оюутнууд МУИС-ийн нээлттэй өгөгдлийг ашиглан хичээлийн хуваарь төлөвлөгч, хоосон анги ологч " МУИС-ийн оюутны туслах" системийг хөгжүүлжээ. Тус систем нь МУИС-ийн тухайн улирлын хуваарьт тавигдсан хичээлүүдээс оюутны шаардлагад нийцүүлэн хичээлийн хуваариудын хувилбаруудыг санал болгох юм.

Сургалтын хөтөлбөрийн ангилал


МУИС-ийн сургалтын хөтөлбөр нь ЮНЕСКО-оос гаргасан олон улсын дээд боловсролын ангилалд (ISCED-F 2013) хаана нь байна вэ? Хөтөлбөр нь ангилалын хувьд хэр зэрэг давхцалтай байдаг вэ? Юугаараа ялгарч байна вэ? гэх зэрэг олон асуултын хариултыг өгсөн өгөгдлийн шинжилгээг PowerBI интерактив тайлангаар харуулсан. Ангиллыг ХШУИС-ийн хүрээнд ерөнхий суурь болон мэргэжлийн заавал үзэх хичээлийн нэр, агуулгад үндэслэн хийсэн бөгөөд кредит цагаар нь жинлэж шинжилжээ. Энэ ажил нь МУИС-ийн нээлттэй өгөгдлийг ашиглан сургалтын хөтөлбөрийн давхцал, ялгааг харуулсан сайн жишээ болсон юм. Гол нь МУИС өөрөө өөрийнхөө нээлттэй өгөгдлийг ашиглаж болохыг харуулж чадсан. Өөрөөр хэлбэл, нээлттэй өгөгдлийг зөвхөн нэг байгууллага гаргаад гаднын хэрэглэгчид ашиглах тухай биш бөгөөд магадгүй, нэг хэлтэс, нэгжийн өгөгдлийг багш, оюутан, өөр нэгжүүд ч гэсэн ашиглаж хамтран ажиллах боломжтой юм.

Сүүлд шинэчлэгдсэн

Bagsh.space

МУИС-ийн оюутан бүрт үргэлж тавигддаг хэд хэдэн чухал асуулт байдаг. Аль хичээлийг сонгож суралцах вэ? Хэн багшийг сонгох вэ? Хичээлийн хуваариа яаж өөрт эвтэйхэн зохиох вэ? Эдгээр асуултад хариулж тухайн улиралд авах ачаалал, суралцах төлөвлөгөө зэргийг зохицуулж өөрийн суралцах замыг гаргадаг. Зөвхөн хичээлийн хуваарь зохиоход л хамгийн багадаа нэг оюутан 4 цаг бүү хэл зарцуулдаг гэвэл нийт оюутны зарцуулах цаг нь маш их, ойролцоогоор нэг хүн 4 ... дэлгэрэнгүй

LiveData NUM

The LiveData NUM catalog provides access to different data types regarding the National University of Mongolia (NUM). The catalog publishes data regarding the NUM research results, the university staff, the organization, the educational courses, and many other aspects of university life. The data published by the LiveData NUM catalog represents the information required to define Digital University (DU) Services.

LiveData NUM

The LiveData NUM catalog provides access to different data types regarding the National University of Mongolia (NUM). The catalog publishes data regarding the NUM research results, the university staff, the organization, the educational courses, and many other aspects of university life. The data published by the LiveData NUM catalog represents the information required to define Digital University (DU) Services.

LiveData NUM

The LiveData NUM catalog provides access to different data types regarding the National University of Mongolia (NUM). The catalog publishes data regarding the NUM research results, the university staff, the organization, the educational courses, and many other aspects of university life. The data published by the LiveData NUM catalog represents the information required to define Digital University (DU) Services.

LiveData NUM

The LiveData NUM catalog provides access to different data types regarding the National University of Mongolia (NUM). The catalog publishes data regarding the NUM research results, the university staff, the organization, the educational courses, and many other aspects of university life. The data published by the LiveData NUM catalog represents the information required to define Digital University (DU) Services.